Eh heh! Last night ai went to deh Hibiscus an' ai had a ball, ah gon' tell yuh. But, I was under deh impression dat ai was still a young ting because - oh laud if you see dem young Guyanese. It hurt when ai see all dem serious bodies dat ai had to envy. So we throw back dem rum and coke and den after nuff a dem an' deh boys had deh beers we head over to Palm Court wrong an' strong. Ai open meh big mouth about havin' nuff nuff energy and stamina.
LOL - deh music was blarin' so loud deh inside ah meh head start to shake. Ai ain't tell nobody dat meh back was hurtin meh bad bad. Nawww ai order anodda rum and coke. Before yuh kno' it ai find a way to go over an' siddown on deh concrete. And, some of you who kno' me could guess wuh happen.
No comments:
Post a Comment